____
CONTINUA
Poesia
PAPPONE E I SUOI
ALLA RISCOPERTA DI SAN GIORGIO
Poesia di Nicola Di Giacomo
Pagina 2/3
‘O chiaro ‘e luna, dint' ‘a mezanotte,
rischiara cumm'a gghiuorno ogni viale;
ogn'uno pe ‘gguardà s'attard ‘ ancora,
chistu cjiardine ‘e ll'ultima dimòra
fermannese ‘e ccappelle e annanz'a cchiesa,
liggenne nomi e nomi ‘ncopp'e ttombe,
e chi da vivo ne ricuerdav 'a bborje,
e nn'ève proprje visto ‘nmbrevatorje
A chistu punto'o Capo, forse stanco,
ma sempe cu ‘ppacienza e ardore'e santo,
fa cenno a uno a uno di seguirlo,
in gran silenzio, fòre ‘o campusanto.
Addò dispone tutti pa' partenza:.
ciente ‘e San Giorgio ca scetaje da morta
trent'e Turiello, Campuampe e Aiello,
cumprèso via Piave e ‘o Fuosso e Corte
dduie sultanto ‘e S. Maria a Favore,
ma ‘e cchiù ‘mpicciusi ‘e chesta frazione,
furmavano a destra soje a schiera grossa
e tutt' 'e frazioni superiori;
ddieci de Femmiani e Castelluccio,
nove ‘e Lanzara e po' sette do'Trigge,
già. Pront era a' sinistra ‘e chistu gruppo:
ma uno manca e ‘o Capo se n'affligge.
Guarda e riconta ll'uommene scetati:
s'accorge ca Totonno nu ‘ncestà,
a tutti dice d'aspettà ‘nu poco,
e annanz' ‘a nicchia soja ‘o va a chiamà
addò ra parecchie ‘anni mai nisciuno
‘nu sciore o ‘nu lumino ‘eve purtato,
ma nn ‘era proprio chesta ‘a pèna soja:
l'epigrafe, l'aveva disturbato.
Chelli pparole scritte ‘ncopp'a tomba
cu ‘tanta cura de figli e da mugliera,
fecer' ammancà ‘e ‘fforze o puveriello
pe scì cu ‘ll ‘ate fòre ‘o cimitero.
Sott' a ‘na foto sua, cchiù e bella posa,
ve se liggèva proprio chesta frase:
“SERENO VISSE E AMATO FU DAI SUOI
CHE IN GRAN PENA AL MONDO EGLI RIMASE”.
Accuccuàto annanze a chella nicchia,
ca' faccia dint'e ‘mmane e ‘o ‘ffele e riente,
s'arricurdaje da vita soja ‘nfamiglia,
già chiena ‘e patimenti, ‘ngiurie e stiente:
L'affetto da ‘mugliera le mancaje,
peffino ‘e mmericine pe ‘gguarì;
re' suoje ebbe pastina e brore ‘e pollo,
ma sùle quanno steva pe ‘mmurì,
pe ‘ffa bella figura annanze a ‘ggente,
ca pe rispetto ‘o jevene a truvà:
ma nun teneva Totonno manc'a forza
e izà nu vraccio pe'ringrazià!
Poch matine appriesse, primme ‘e juorno,
avette chella pace ca cercava,
e senza se truvà nisciuno attuorno
‘stu munno e ‘a famiglia soje lasciaje.
