____
Poesia
PAPPONE E I SUOI
ALLA RISCOPERTA DI SAN GIORGIO
Poesia di Nicola Di Giacomo
Pagina 3/3
A sera stessa dint'o cimitero
‘nfurmo a nu fuosso, subito scavato,
roppo stentato pe ‘na vita intera,
da Rafaele vene “sistemato”.
Ecco pecchè chell'anima purgante,
pensanno a ‘sti pparole e a chilli tuorti,
a voglia nun teneva e rivedè
e figlie e a mugliera doppo morto;
ma po', sullecitato ‘a Rafaele
a nun pensà a sti miserie umane,
decise e purdunà le offese avute:
raggiunse ‘o gruppo fore ‘o cimitero.
E' lla ca stu signore, ormaje purgato
d'ogni peccato fatto ‘ncopp'o munno,
pe grazia ricevuta da San Pietro,
a tutti fa giurà e turnà indietro:
“vintiquatt'ore a mò ‘o campusanto,
ciascuno ‘o posto suoje è dà turnà”,
roppo a prumessa, ropp'o ggiuramento,
a ognuno raccumanna e nun sbaglià.
“O posto dint''o fuosso o ‘nda cappella,
nu dda ‘e Muorti ‘a pace o cchiù priezza:
‘ndò regno do silenzio nu nc'è lusso,
nuje simme tutt'euale, che bellezza!”
Ma po', ricenne, infine, ca ricorda
precisamente ‘o posto ‘e ognun'e lloro,
se fa prumettere ancora ll'ubberienza,
e ne dispone in gruppi la partenza,
nun primme d'aver dato a tutti quanti,
quaderno e penna biro p'annutà
e rappurtà ‘o ritorno ‘e ccose fatte,
e si quaccos'ancora rest'a fa,
nda ‘stu cumune, ca pe prugresso e pace,
è ‘a cuntrada cchiù bella ca ‘ncesta,
e già pregusta ‘a ggioja ‘e rice a Pietro
ca ‘o Paraviso vero è chistccà.
FINE
Note
“Pappone”: Sig. Coda Raffaele, nato il 30/05/1886 a Castel SanGiorgio e ivi morto il 16/12/1969 ove fu dipendente comunale per moltissimi anni quale becchino al locale cimitero. Uomo buono, sempre allegro e rispettoso. Malgrado “l'ingrato” incarico, seppe guadagnarsi sempre stima e benevolenza.
“Totonno”: Nessun riferimento specifico a persona,ma certamente identificabile in parecchi cittadini.
