____
CONTINUA
Poesia
PAPPONE E I SUOI
ALLA RISCOPERTA DI SAN GIORGIO
Poesia di Nicola Di Giacomo
Pagina 1/3
Roppo scuntato e' quatto peccatucci,
ca dinte ‘a vita soja ‘eva cummesso,
avette fmalmente da San Pietro
‘a facultà e se n'ascì da fossa.
‘A grazia e riturnà a ‘stu paese
primma ‘e trasì dinto ‘o Paraviso,
murenno, isso ‘eve chiesto a chistu Santo
lascianno pe ‘nu juorno ‘o campusanto.
Quanno Pappone avette ‘stu permesso,
cu Pietro teneva ‘a cunferenza;
‘a stessa grazia cercaje pe' tutt'e Muorti
poveri e ricchi senza differenza.
Pe ‘tutti chilli ca cu' ppremura o ‘e presso,
cu ‘na funella, a uno o a dduje ‘o juorno,
aveva sistemato ‘ndè cappelle
o rint'e fuossi all'ombra de' cipressi!
Mò ca puteva parlà ra pare a pare,
tant'insistenza fece ‘o schiattamuorto
ca Pietro accunsentette docilmente
si pure ‘eve già fatto ‘o viso stuorto,
pecchè tenève paura ca quaccuno
e chesta grossa schiera ‘e Sangiurgisi
nunn' esse cchiù turnato ‘o posto suojo
pe ‘mmerità chiù tardi ‘o Paraviso.
Quanno, però, Pappone a Lui dicette:
“pure pe ‘cchiù mbicciusi, ogn'ubberienza
J' v'assicuro primma da partenza”,
allora cu ‘ppiacere ‘o permettette.
Ra ‘nanz ‘a porta e chillu luogo santo,
pensanno a tant' amici do cumune,
partette Rafaèle cumm' ‘o viento
pe se vestì da vivo ‘o campusanto
addò nu juorno co' meglio vestitiello
ève arrivato ‘nda na bara cumm'a ‘llate
da Lanzara, da Corte oppure d'Aiello
do Triggio, da Castelluccio o ‘e Turiello.
Da chell'altezza vulaje fino a ccà,
e,appena se vestette, ‘o capebanda,
ndè nicchie, fuossi, tombe e ndà cappelle,
tutt'e clienti suoje jette a scetà.
Fra tutt'e muorti stanchi po' riposo,
sulo quaccuno nun se stennacchiaje:
‘o sforzo ‘e nun ‘ffà niente pe' tant'anni
aumentat' avèa i loro affanni!
Vive, vestuta ‘e lusso ‘ndè stradùni,
pe ‘ttutt' 'o cimitero, quant'a ggente!
O' posto addò è rignàto sempe ‘o pianto,
parèa ‘nu paraviso a tutti quanti!
Ogn' uno ch' eve muorto' a tant'u timpo,
vedenno cumme ll'evano aggiustato,
meravigliato resta, e chianu chiane
so ‘ggira onze a onze ‘nda nuttata.
Pecchè ‘a matina priesto, cu' Pappone,
fòre ‘o canciello s'even ‘a truà,
e pe ‘ddiverse direzioni,
ogn'uno ‘o paese suoje èva turnà.
