____
CONTINUA
Poesia
LA PARTENZA
Poesia di Nicola Di Giacomo
Pagina 1/2
Ciascuno ‘e scurciatoje già percorre
p'abbraccià e suoje e rivedè ‘o paese:
pe ‘Fimiane e ‘o Prandice se corre,
pe ‘vvia Mulinello a gran carriera.
E chi po ‘cchiù luntano è da'arrivà
pe' via Ferrovia e ‘o Lazzaretto,
pa' Mannara, Valeseno e ‘o Fuosso ‘e Corte,
‘na bbona media pensa ‘e rispettà.
E' ancora l'alba, intorno tutto tace,
‘a luce è fioca e ancora nu ‘riscopre
‘e “sperate” bellezze dei dintorni
avvolte ‘ndò silenzio e dint' ‘a pace
.
Appena ca scumpàre ogni foschia,
sulo in sembianza, nu vvisto da nisciùno,
ciascuno ha già abbracciato ‘e proprie cari,
pure Totonno vince ‘a pecundria!
Primme ca juorno è fatto proprio chiaro,
pe ‘ll'ansia e vedè tutte ‘e nuvità,
pa ‘senchetella ‘e porta s'esce fore
cu ‘nu quaderno pronto pe ‘ssignà.
Così, e cuntrade tutt' ‘e ffrazioni,
so ‘vviste da ‘sta ggente ca s'affligge,
pecchè ‘e trova cumme l'ha lasciate,
eccetto via Guerrasio e abbasci'o Trigge
cu via Mannara e ‘a sede do cumune
‘o Fuosso e Corte e ‘a chiazza do Mercato
ca nun so rimaste proprio tale e quale,
e prieste ‘ndo quaderno so ‘annutate.
Partenne ra Turiello che s'è fatto?
‘na piazza ‘ndo paese nunn' esiste,
‘e quatte catapecchie do passato
rendono ancora ‘stu paese triste;
pe ‘praticà ‘o sport do tennìss,
‘nu bellu club è sorto ‘nda muntagna,
ma ‘a vita ‘e chella ggente è semp' ‘a stessa
‘e quanne mangiava vipere e castagne.
‘E Campuampe po che illusioncella!
ca penna ‘mmane restano ‘mpalati
nu ‘ssanno si è cchiù brutt' ‘ o meglio ‘e prima,
eccett' ‘o posto ‘e vasce ‘a Marunnella,
addò se vede ‘na nuvità banale
e ‘nu sedile e ‘na casetta nova
nei pressi ‘e chella cchiesa addò Faiullo
mettette ‘o cuppulicchio ‘o campanàle.
Pe muorte nunn'esiste poi stupore,
verenn'Aiello cumm'è cumbinato:
se notano sultanto ammodernate
‘e vvie do Nucellito e ‘o Salvatore.
A Santa Maria a Favore è riscuntrato
‘na strada nova ca porta ‘mmieze a Starza,
e s'è ‘ngrandita ‘a fabbrica ‘e Lodato:
‘nda cinquant'anni è stato chisto ‘o sfuorzo!
E quanno è fatta sera, ‘e llampiuncielle,
cumm'a Turiello, Campuampe e Aiello,
nun fanno luce manco sott'e pali,
sembrano overo tanta scurnuzzelle!
